ກອງພັນໃຫຍ່ 502 ເປີດຂະບວນການແຂ່ງຂັນກິລາມວນຊົນ ແລະ ກິລາການທະຫານ
ໃນວັນທີ 1 ພຶດສະພາ 2024, ກອງພັນໃຫຍ່ 502 ກອງພົນທີ 5 ໄດ້ເປີດຂະບວນການແຂ່ງຂັນກິລາມວນຊົນ ແລະ ກິລາການທະຫານ
ເພື່ອສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງຄະນະພັກ ກອງພັນໃຫຍ່ 502, ໂດຍການເປັນປະທານ ຂອງສະຫາຍ
ພັນເອກ ໄຊສົມພອນ ດວງຈັນທາ ຫົວໜ້າການທະຫານ ກອງພັນໃຫຍ່ 502, ມີຄະນະພັກ-ຄະນະບັນຊາ 5 ພະແນກ ການ, ກົມກອງ, ຄູຝຶກ
ພ້ອມດ້ວຍ ນັກກິລາ ເຂົ້າຮ່ວມ.
ສະຫາຍ ພັນຕີ ສັນຕິໄຊ ສຸວັນນະລາດ ຫົວໜ້າຂະແໜງອົບຮົມ ໄດ້ຜ່ານແຜນການແຂ່ງຂັນກິ ລາ ໂດຍອີງຕາມແຜນການຈັດຕັ້ງສ້າງຂະ
ບວນການ ເພື່ອຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງຄະນະພັກກອງພັນໃຫຍ່ 502 ທັງເປັນການສ້າງບັນຍາກາດຢູ່ກົມກອງໃຫ້ຟົດ
ຟື້ນມ່ວນຊື່ນ. ກິລາທີ່ນຳມາແຂ່ງຂັນມີ 7 ປະເພດ ຄື: ບານເຕະ, ບານສົ່ງ, ກະຕໍ້, ເປຕັງ, ນັກຮົບແຂງແຮງ, ແລ່ນມ້າງປະກອບອາວຸດ 400
ແມັດ, ຜ່ານສິ່ງກີດຂວາງ 4 X 50 ແມັດ. ສະຫາຍ ພັນເອກ ໄຊສົມພອນ ດວງຈັນທາ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະ
ບັນຊາ ພະນັກງານ-ນັກຮົບ ທີ່ໄດ້ພ້ອມພຽງກັນເຂົ້າຮ່ວມຂະບວນການແຂ່ງຂັນໃນຄັ້ງນີ້ ພ້ອມທັງ, ເນັ້ນໜັກໃຫ້ບັນດາກຳມະການ, ຄູຝຶກ
ແລະ ນັກກິລາ ຈົ່ງພ້ອມກັນຍົກສູງຄວາມຮັບຜິດຊອບຕໍ່ຂະບວນການແຂ່ງຂັນກິລາໃນຄັ້ງນີ້ໃຫ້ປະສົບຜົນສຳ ເລັດ ແລະ ມີຄວາມປອດໄພ,
ຮັກສາໄດ້ຕາມຂໍ້ກຳນົດ, ກົດລະບຽບຕ່າງໆ ໃນການຫຼິ້ນກິລາ, ກຳມະການຕັດສິນ ຕ້ອງທ່ຽງທຳ, ນັກກິລາແຕ່ລະສະຫາຍ ຕ້ອງມີຈິດໃຈອົດ
ທົນ, ພ້ອມກັນຮັກສາຄວາມສາມັກຄີ ຢູ່ບົນພື້ນຖານອຸດົມການດຽວກັນ ເຮັດໃຫ້ການສ້າງຂະບວນການຄັ້ງນີ້ ມີເນື້ອໃນຄວາມໝາຍ ແລະ
ປະສົບຜົນສຳເລັດຕາມແຜນການ.
ແຫຼ່ງທີ່ມາ: ສົມພອນໄຊ ພັນທ້າວ
ວັນທີ 09/05/2024